Qəbələ

Qəbələ Azərbaycanın ən qədim şəhərlərindən biridir.  Azərbaycanın ən ecazkar alpinist yolu Qəbələ dağlarından ölkənin ən yüksək dağı Bazardüzü zirvəsinə qədər uzanır və "Qafqazdakı Alexander Düma" marşrutu, yazıçının 1858-ci ildə səyahət etdiyi tarixi marşrutu tam təkrarlayan yol da Qəbələ bölgəsindən keçir.

Dağların ətəyində dəniz səviyyəsindən 1000 m yüksəklikdə yerləşən şabalıd meşəsi bu rayonun sərvətidir. Sahə qoz və şabalıd meşələri ilə zəngindir, hər birinin yaşı 500-dür. Baharda çiçək açan şabalıd, misilsiz bir gözəlliyi sərgiləyir. Bu ağaclardan bəziləri dövlət tərəfindən mühafizə olunan ağacların siyahısına daxil edilib.

Qəbələ qış turizminin əsas mərkəzlərindəndir.  Şəhərdə və onun ecazkar bölgəsində müasir 5 ulduzlu otellər və istirahət mərkəzləri fəaliyyət göstərir. Burada hər yay dünyanın hər yerindən məşhur musiqiçilər, sənətkarlar və sənət qruplarının gəldiyi Qəbələ Beynəlxalq Musiqi Festivalı və avqust ayında Beynəlxalq Mürəbbə Festivalı keçirilir.  

Qəbələ rayonunda həmçinin ərazisi  480 hektar olan Dövlət Tarix-Mədəniyyət Qoruğu fəaliyyət göstərir. Qoruq Çaqqalı, Səlbir, Qala adlanan üç əsas hissədən ibarətdir.

Qəbələnin mütləq gəzməli-görməli yerinə aiddir: “Qəbələnd” Əyləncə Mərkəzi, Nohurgöl, Vəndam kəndi, Laza kəndi, Yeddi gözəl şəlaləsi,  Mucux şəlaləsi, Qədim Nic məbədi, “Şabalıd meşəsi”, Duruca Kəndi, Tufandağ qış-yay turizm istirahət kompleksi

 Bundan başqa Nohur gölü ətrafında qayıq gəzintisi, Rus meşəsi, Bunud meşəsi gəzintidən zövg ala bilərsiniz.