Bakı
Bakı müasirliklə qədim tarixin vəhdətini əks etdirən şəhərdir. Bakı cazibədar mədəniyyət, qədim tarix və həqiqətən ləzzətli mətbəxi ilə xaraketizə olunur. Şəhər ilk dəfə gələnləri heyran edir.
Quba
Quba Bakıdan 168 km məsafədə, Böyük Qafqazın Şahdağının şimal-şərq yamaclarında, dəniz səviyyəsindən 600 metr yüksəklikdə, Qudyalçayın sahilində yerləşir. Uğurlu yerləşmə mövqeyinə, zəngin təbiətinə və infrastruktur imkanlarına görə turistlərin ən sevimli yerlərindən biridir.
Şəki
Şəki şəhəri cazibədar təbii mənzərəsi, təmizliyi, məxmər havası, axşamları gələn bülbül səsləriylə insanlarda xoş təsir yaradır. Azərbaycanın ən qədim və gözəl şəhərlərindən olan Şəki şəhəri ölkənin şimal-qərbində yerləşir.
Zaqatala
Füsunkar təbii gözəlliyi ilə fərqlənən Zaqatala şəhəri Azərbaycan Respublikasının şimal-qərbində, Böyük Qafqaz sıra dağlarının cənub yamacları Qanıx-Əyriçay vadisində Bakıdan 418 km məsafədə yerləşir. Mövcud iqlim şəraitinə görə şəhər dağ-iqlim kurortudur.
Qəbələ
Qəbələ Azərbaycanın şimalında yerləşən qədim tarixə malik turistik şəhərdir. Təbii gözəllikləri ilə göz oxşayan Qəbələ eramızın I əsrindən etibarən yazılı mənbələrdə adı çəkilən Qəbələ Albaniyanın ilk paytaxt şəhəri olmuşdur.
Lənkəran
Bakıdan məsafsi 268 km məsafədə yerıəşən Lənkəran- Azərbaycan Respublikasının cənub bölgəsinin ən böyük şəhərdir. Xəzər dənizi sahillərində yerləşən şəhərin ilk adı “Ləngərkünan” olmuşdur. Bu da lövbərli dayanacaq, yəni liman deməkdir.
Şamaxı
Bakıdan 120 km məsafədə yerləşən fusunkar təbiətə və qədim tarixə malik Şamaxı şəhəri Qafqaz dağlarının cənub-şərq ətəklərində, dəniz səviyyəsindən 749 metr hündürlükdə yerləşir. Şamaxı şəhəri bir neçə əsr ərzində Şirvanşahlar dövlətinin paytaxtı olmuşdur.
Qusar
Bakıda 181 km məsafədə yerləşən mulitikultural Qusar şəhəri Azərbaycanın şimalında Şahdağ dağının şimal-şərq yamaclarında yerləşir. Qusar dörd fəslin hamısının açıq şəkildə ifadə olunduğu bir şəhərdir.
Lerik
Lerik şəhərinin Bakı ilə məsafəsi 323 km-dir. Lerik şəhəri əzəmətli Talış dağları, saysız hesabsız qalaları, nadir ağacları, zəngin flora və faunası ilə seçilən Lerik rayonunda yerləşir. Lerik rayonunun ərazisi Talış dağlarının əhatəsindədir.
Qax
Bakı ilə Qax arasındakı məsafə 345 km-dir. Şəhər Kürmuxçay çayının sahilində dəniz səviyyəsindən 500 metr yüksəklikdə yerləşir. Şəhərin yerləşdiyi Qax bölgəsi Baş Qafqaz silsiləsinin cənub yamacında yerləşir.