Şəmkir

Bura qərb bölgəsinin alman irsini, aşıq milli musiqi növünü və hətta bir zamanlar İpək Yolu üzərində dayanacaq rolunu oynayan qədim şəhər qalıqlarını görmək üçün əla yerdir. Ölkənin ən mənzərəli yollarından biri Kiçik Qafqaz dağlarının mənzərəli hissəsi bu regiondan keçir.

Şəmkir zəngin tarixə malikdir.  Bölgənin tarixi ilə tanış olmaq üçün Lüteran kilsəsinin arxasında yerləşən yerli Tarix və Etnoqrafiya Muzeyinə getmək olar. Burada Fars Əhəmənilər İmperiyasından (550 e.ə) başlayaraq şəhərin inkişafını göstərən tarixi izləmək olar. Şəhərin tarixi ilə əyani tanışlıq üçün Şəmkirçay çayının sol sahilində yerləşən Muxtariyyə kəndinin şimalında yerləşən orta əsr Şəmkirinin xarabalıqlarının olduğu şəhərdən 10 kilometr aralı şərqə tərəfə getmək olar.  Şəmkir çayının sol sahilində Qədim Şəmkir şəhərinin xarabalıqları yerləşir. Burada 8-13-cü əsrlərə aid və heç vaxt tam bərpa olunmayan İpək Yolu üzərində bir qala yerləşir. 

Çayın sağ sahilində iki körpü vasitəsilə birləşmişən qala yerinin  sahəsi 20 hektar olmuşdur. Bu körpünün qalıqları bu gün də qalmaqdadır. 2006-cı ildə başlayan qazıntılar, Naringala adlı bir qalanın əhəmiyyətli hissələrini, Arran memarlıq məktəbinin nadir nümunələri sayılan küçə və binaların qalıqlarını görməyə imkan verdi.

Bundan başqa IX–XI əsrlərə aid Şəmkir şəhər xarabalıqları, IX–XI əsrlərə aid Şəmkir körpüsü, Şəmkir qalası,  XI–XII əsrlərə aid Baydar şəhər xarabalıqları, XI–XII əsrlərə aid Qız qalası, XVI–XVII əsrlərə aid məscid, Zəyəm çayı üzərində XVI–XVII əsrlərə aid körpü və s. orta əsrlərə aid ərazidəki sayda memarlıq abidələri nümunələridir.