Şamaxı

Şamaxı haqqında antik yunan coğrafiyaşünası Ptolomey və bir çox antik dövr ərəb, fars, türk, rus və orta əsr Avropa müəllifləri geniş məlumatlar vermişlər. Xalçaçılığın mərkəzi və Böyük İpək Yolundakı ən zəngin şəhər kimi məşhurdur.

Şəhər XVI əsrdə Cənubi Qafqazda ipək istehsalı və ticarətinin cəmləşdiyi mərkəz rolunu oynayan əsas şəhərlərdən olmuşdur. 

Dağlıq ərazidə yayda mülayim isti, qışda isə mülayim iqlim şərati hökm sürür. Burada ildə 40-80 gün qar yağdığından qış tətili üçün əlverişli şərait yaradır və diyar yayda, qışda da turizm həvəskarlarını cəlb edir. Alpinistlərin çox sevdikləri Babadağ zirvəsi də Şamaxı rayonun ərazisindədir. 

Rayonun özünəməxsus təbiəti, mülayim iqlimi, mineral bulaqları ona xüsusi özünəməxsusuluq yaradır.

Palıd, fıstıq və vələs meşələri,  yaşıl çəmənliklər və kol bitkiləri yazdan payıza qədər rayon təiətinə ecazkar bir mənzərə bəxş edir. Uca dağlar qoynunda 50-dən çox dərman bitkiləri yetişir.  Meşələrin zəngin təbiəti burada müxtəlif heyvanların və quşların yaşaması üçün çox əlverişli şəraitə malikdir.